Amasya beytü’l-mâl emîni Bünyad Çelebi bin Mustafa Efendi mahdûmudur. Ulemâdan ikmâl-i tahsîl ederek ders-i âm ve Havza, Merzifon, Amasya’da Firuz Ağa, Süheyl Bey, Hüseyin Ağa medreselerine müderris oldukdan sonra Kameriyye-i Tokat müderrisi oldu.
Buradan Niksar, Zile, Merzifon, Çorum kazâlarına sırasıyla kadı oldu. Ba’dehû Hakâla’da Kâsım Bey müderrisliği ile mütekâid olup 1080 sâline doğru vefât etdi. Meşâhîr-i ulemâ ve kudâtdan idi. Mahdûmu Mustafa Efendi’dir.