Köprülüdür. Fâzıl Ahmed Paşa’nın dayısı Büyük Ali Ağa bin Dede Yûsuf Ağa’nın oğludur. Sadr-ı müşârün-ileyhin dâiresinde terbiye görüp silâhdârı oldu. Girit harbinde müşârün-ileyhe yarandığı halde sonradan gücendirdi.
Bu yüzden Köprü’ye geldi. Kara Mustafa Paşa’nın sadâretinde Köprü voyvadası oldu. Ba’dehû Ayşe Hânım evkâfına mütevellî ve Köprü a’yânı olduğu halde 1106 senesi hudûdunda vefât etdi. Köprü’de âlî bir medrese yaptırdı. Emlâkını da bu medrese mesâlihine vakfetdi. Meşâhîr-i ulemâ bu medresede müderris olmuşlardı. Erbâb-ı hayır ve hasenâtdan idi. [571]