Köprülüdür. Pederinin adı Mehmed’dir. Mahdûmundan aldığım ma’lûmâta göre gençliğinde Amasya ve İstanbul ulemâsından ikmâl-i tahsîl edib ders-i âm ve müderris-i be-nâm oldu. Mu’ahharan vâ’izler silsilesine girip Tophâne’de Nusretiye ve Beşiktaş’da Sinan Paşa Câmiilerine vâ’iz olduğu hâlde 1284’de vefât etdi. Kibâr-ı ulemâdan “Tophâne vâ’izi” demekle meşhûr idi. Mahdûmu Hazîne-i Hâssa muhâsebeciliğinden mütekâ’id rütbe-i bâlâ ricâlinden Mehmed Hâlis Efendi olup 1341’de vefât etdi.