Köprü a’yanından Küçük Ali Ağa bin el-Hâc Mustafa Ağa bin Dede Yûsuf Ağa’nın oğludur. Ceddi Hacı Yûsuf Ağa Köprülü Mehmed Paşa’nın kayınpederi ve evlâdının dedesi olduğu münâsebetle bir müddet Köprülüzâde Abdullah Paşa’nın dâiresinde bulundu.
1119 senesi rebîülevvelinde Sivas vâlîsi olan müşârün-ileyh tarafından Sivas mütesellimi olup 1121’de mün’âzil olarak Köprü’ye geldi. 1122’de Köprü Voyvodası ve a’yânı olduğu halde 1130 hudûdunda vefât etdi. Zî-nüfûz ü servet, hânedân idi.