Amasya eşrâfından Kapancı el-Hâc Ahmed Ağazâde el-Hâc Mehmed Ağa’nın oğludur. Sultân Abdulhamîd Hân-ı evvel devrinde enderûn-ı hûmâyûna girib orada terbiye gördü. Seferli odası ağalarından iken Sultân Selîm-i Sâlis’e silâhşör-i şehriyâri oldu.
1212’de bâ-fermân-ı âlî pamuk mübâyaası için Amasya’ya gelip Amasya ahvâlini ve ulemâ ve erkân-ı livânın harekâtını tedkîk ve tefahhus ederek avdet etdi. Ba’dehû 1218’de Caniklizâde Tayyar Mahmûd Paşa’nın tuğyânı vak’asında [537] gözden düşüb azl edildi.
Ba’dehû Sultân Bâyezîd evkâf-ı mütevellî kâ’im-makâmı olarak Amasya’ya gönderildi. 1222 senesi rebîülevvelinde Sultân Mustafa-yı Râbî’in cülûsuyla Tayyar Mahmûd Paşa’nın kâ’im-makâmlığında dergâh-ı âlî kapıcıbaşılarından oldu. Ba’dehû hidemât ile devr-i bilâd edib 1233’de vefât etdi.