Amasyalıdır. Vüzerâdan Ömer Paşa bin İbrâhim Bey bin Yeğen Ali Bey’in mahdûmudur. Evâil-i hâlinde Bâb-ı âlîye girib mektûbî-i sadâret kaleminde terbiye gördü. Bâ’dehû Yenicelizâde es-Seyyid Ahmed Paşa’ya ve bunun vefâtında mahdûmu es-Seyyid Mehmed Paşa’ya divân kâtibi oldu.
Efendisinin mağdûren şehâdetinde Amasya’ya gelip servet ü sâmânı sâyesinde Meclis-i a’yân âzâsından olup 1229 hudûdunda vefât etdi. Eski Kethüdâ Mahallesi’nde bir çeşme binâsıyla [147] nâmını bir asır kadar yaşatdı. Fakat 1331 harîk-i hânümansûz ne bu çeşmeyi ne de mahalleyi bırakmadı.