Fatih Sultân Mehmed Hân Câmii imâmı olup 1204’de vefât eden Amasyalı es-Seyyid el-Hâc Mehmed Efendi’nin mahdûmudur. Gençliğinde pederiyle beraber İstanbul’a gidip ulemâ-yı asrından ve hâssaten ders vekili Köprülü Halil Efendi’den tahsîl-i ulûm ederek mücâz ve ders-i âm ve müderris oldu.
Fatih Câmi-i şerîfinde tedrîs-i ulûma hasr-ı evkât edib silsile-i ulemâda ikmâl-i devre-i medâris ederek 1239’da Galata Mollası oldu. İkmâl-i müddet edib Haremeyn pâyesine intizâr ederken 1240 senesi evâhirinde vefât etdi. Âlim, natûk, kâmil bir ders-i âm idi. Birâderi Râşid Mehmed Efendi de ulemâdandır. Pederi yanında medfûndur. [34]