Amasyalıdır. Sipâhî a’yânından Ahmed Ağa’nın oğludur. Bu da sipâhî olup hayli muhârebâta iştirâk ederek terakkî gördü. 1031 saferinde Kastamonu ve Çankırı muhassıl-ı emvâli, 1032 muharreminde Amasya’da Evkâf-ı sultâniyye mütevellîsi oldu.
Ba’dehû mîrlivâ olup sancakları devr ederek mîr-i mîrân ve 1047’de Bolu mutasarrıfı ve ba’dehû 1051’de Çankırı mutasarrıfı görüldü. Ba’dehû vefât etdi. Meşâhîr-i ümerâdan idi. Mahdûmu Ahmed Bey’dir.