Amasya hükümdârı Şâdgeldi Paşa’nın kulunun oğludur. Şâdgeldi Paşa devrinde züamâdan ve mahdûmu Beylerbeyi Devâtdâr Ahmed Paşa devrinde ümerâdan olup 804’de Timur harbinde isbât-ı vücûd ile Çelebi Sultân Mehmed’e sâdıkâne hizmet [528] etdi.
816’da Çelebi Sultân Mehmed’in istiklâlinde fedâkârâne hizmetinden dolayı ma’iyyet-i seniyye ümerâsından olup Rumeli’ne beraber gitdi. 819’da Şehzâde Sultân Mustafa kıyâmında Sadr-ı a’zam Hacı Halil Paşa ile harb ederek her ikisi de vefât etdi. Yiğit, sâdık bir Bey olup “Ganî Bey” demekle meşhûr idi. Mahdûmu Kâsım Bey’dir. Pederi de Kulu Bey’dir.