Amasyalıdır. Beylerbeyilerden Amasyalı Ömer Paşa’nın mahdûmudur. Çavuşân-ı dergâh-ı âlîden olup devr-i hidemât ederek Birinci Sultân Mahmûd’un cülûsunda Amasyalı Feyzullahzâde Ahmed Ağa’nın sadâret kedhüdâlığında ağalarından oldu.
Bunun irtihâlinde Zanalızâde Hacı Ahmed Paşa’nın dâiresine girip müşârün-ileyhin sadâretinde kapıcıbaşı, 1154’de bâ-rütbe-i mîr-i mîrânî Çankırı sancağı mutasarrıfı oldu. Ba’de’l-azl 1158’de Niğde, 1159’da Beyşehrî sancaklarına mutasarrıf olarak İran muhârebelerine iştirâk etdi. 1171’de vefât edib muhallefâtı yazıldı. Bir kısmı zabt ve müsâdere edilip diğer kısmı mahdûmu Mehmed Beyle kerîmesine verildi. [503]