Amasya’da şehir kethüdâsı olan Hacı Feyzullah Efendi bin el-Hâc Hüseyin Ağa’nın mahdûmudur. Rus muhârebelerinde isbât-ı liyâkat ederek silâhşörân-ı hâssadan olup 1207 muharreminde Amasya mütesellimi ve ba’dehû dergâh-ı âlî kapıcıbaşılarından oldu. Ba’dehû mîr-i mîrân olduğu anlaşılmış ise de bu esnâda müteaddid Abdurrahman Paşalar görüldüğünden bunun tercemesi kesdirilemedi. 1225 sâlinden sonra vefât etdi.