Lâdik’de medfûn olan sâhibü’l-hâl es-Seyyid eş-Şeyh Şemseddîn Ahmed bin eş-Şeyh Tâceddîn Mehmed bin Muhezzebeddîn Abdürrahîm bin Osmân er-Rifâî mahdûmudur. Pederi Lâdik’de “Ahmed Rifâî Buharî” demekle meşhûr olduğundan, buna Rifâîzâde Mühezzebeddîn Abdürrahîm Çelebi denmişdir. Ulemâdan tahsîl ve Hicâz ve Arabistan’a seyâhat edib avdetde pederinin zâviyesinde icrâ-yı meşîhat edib 771’de vefât etdi. Ulemâ-yı meşâyihden idi. [489]