Köprülüdür. Amasya fuzalâsından olup tercemesi yukarıya yazılan üstâdü’l-e’imme Ebû İshâk İsmâîl bin Ya’kûb el-Sâlârî’den ikmâl-i tahsîl edib Amasya’da ders-i âm oldu. Yıllarca tedrîs-i ulûm edib Torumtay Medresesi müderrisi, ba’dehû Amasya müftüsü olduğu hâlde 764 senesi hudûdunda dâr-ı bekâya rihlet etdi. Fazıl, ulûm-i şer’iyye ve akliyyede mütebahhir, meşâhîr-i fukahâ ve mütekellimînden bir zât idi. Tilmîzi Mevlânâ İzzeddîn Mehmed bin Mehmed el-Amâsî de fuzalâdan idi.