Amasyalıdır. Müfessir-i meşhûr Hâfız el-Hâc Mehmed Zühdü Efendi bin el-Hâc Evliyâ Halîl Keşfî Efendi’nin mahdûmudur. Pederinden ikmâl-i tahsîl etdikten sonra Şam ve Hicâz’a gidip fuzalâ-yı Arab’dan istifâza ederek avdet etdi.
Kübceğiz Mahallesi’nde ikâmet ve tedrîs-i ulûma muvâzabet edib 1245’de dâr-ı kudse intikâl etdi. Âlim, fâzıl, muhaddis, münzevî, zâhid bir zât idi. Birâderi el-Hâc Hâfız Alî Efendi de ulemâdandır.