Amasya kudâtından ve Ahî Receb evlâdından Abdulvahab Efendi’nin mahdûmudur. Ahî Receb Mahallesi eşrâfından ve sâdât-ı kirâmdan olup 1059 hudûdunda vefât etdi. Kerîm, hânedân bir zât idi.

Ceddi Ahî Receb mescidini müceddeden i’mâr edib 1057’de Memi Dede önündeki cesîm bağını mescid-i şerîfin mesâlihine vakf edib hasılâtından imâmına vazife ta’yîn etdi. Kızları Fatıma, Zelîha Hâtunlar da 1067’de câmii mezkûr ittisâlindeki müşterek hânelerini imâmının süknâsına vakfetdiler. O zaman câmii mezkûr imâmı Saatçi Mehmed Çelebi idi. Bu hâne hayli müddet Saatçizâdelerin tasarrufunda kaldı.