Amasyalıdır. A’yân-ı sâdâttan es-Seyyid Hüseyin Çelebi bin es-Seyyid Hızır Çelebi bin es-Seyyid Yûsuf Çelebi bin es-Seyyid eş-Şeyh Celâleddîn Mehmed Efendi’nin mahdûmudur. Buna “Küçük Celâl Çelebi” denir.
Pederinin vefâtından sonra ceddi vakfına mütevellî olup sâdât arasında ta’ayyün etdi. 1099’da sâdât vak’asında ihtiyâr-ı uzlet ve ihtifâ ederek halkın kendisine muhabbetini kazandı. Ba’dehû meclis-i a’yân ve hâciyân a’zâsı olarak 1130 sâlinden sonra vefât etdi. Mahdûmu es-Seyyid Hamza Çelebi ve hafîdi es-Seyyid Sâlih Efendi’dir.