Amasyalıdır. Sadr-ı esbak Bâyezîd Paşa’nın kerîmezâdesi Ali Bey bin Dâvûd Paşa bin Yûsuf Bey bin Asâyîş Bey’in mahdûmudur. Amasya’da vâlî iken Sultân Bâyezîd-i Sânî dâiresine girib tefeyyüz ederek 886’da müşârün-ileyhin cülûsunda ümerâdan oldu. Sarıkcı⁶³ demekle meşhûrdur.
Ba’dehû Mısır harbinde yararlığı görüldüğünden Edirne muhâfızı oldu. Ba’dehû Rûmeli beylerbeyi olarak beyne’l-ümerâ temâyüz etdi. 905’de sânîyen Edirne muhâfızı görülüb sonra vefât etdi. Mahdûmu Mustafa Bey’dir.