Merzifonludur. Kasab Hacı Mehmed Ağa’nın oğludur. Sadr-ı esbak Merzifonî el-Hâc Ali Paşa’nın dâiresi ağalarından olup sadâretinde kapıcıları kethüdâsı oldu. 1112’de müşârün-ileyhin vefâtında bir müddet Merzifon’da ikâmet ederek Kara Mustafa Paşa vakfı mütevelli-i kâ’im-makâmı oldu.
1122’de Rus harbinde isbât-ı vücûd edib avdetde Merzifon mukataası mültezimi ve ba’dehû voyvadası olup nüfûz ve itibârı artdı. 1124’de ikâmet etdiği Tuz Pazarı Mahallesi’nde bir câmi-i şerîf yaptırdı. 1132’de vefât etdi. Sahîb-i hayr idi. Mahdûmları Tuz Mehmed Paşa ile el-Hâc Mustafa Ağa’dır. Bunun mahdûmu el-Hâc Halîl Efendi’dir. [430]