Köprülüdür. Mustafa mahdûmu olup Amasya’da Ürgübî el-Hâc Ahmed Efendi’den ahz-ı ulûm etdikden sonra İstanbul’a gidip fâzıl-ı meşhûr Köprülü el-Hâc Halîl Efendi’den ikmâl-i tahsîl ederek mücâz ve bi’l-imtihân müderris oldu.
1194’de Köprü’ye avdet edib Orta Câmi-i şerîfi hatîb ve ders-i âmı olarak fezâil-i ilmiyyesiyle temâyüz etdiğinden her tarafdan talebe-i ulûm Köprü’ye gelip halka-i tedrîsinden istifâza etdi. Ba’dehû Orta Câmii kürsî şeyhî, on beş yıl kadar da Köprü müftüsü olup yetmiş iki yaşında 1231’de vefât etdi. Fâzıl, müttakî, fakîh, müfessîr, bir zât-ı sütûde-simât idi.