Amasyalıdır. Çavûşân-ı dergâh-ı âlîden el-Hâc Ali bin el-Hâc Ahmed Ağa’nın oğludur. Bu da çvûşândan olup devr-i hidemât ile çavuşlar kethüdâsı ve ba’dehû tekâ’üd edilib Amasya’da meclis-i a’yân âzâsı olduğu halde 1212’de vefât etdi. Uzunyol mezârlığında medfûndur. Çeribaşı Câmi-i şerîfinin sağ tarafına tuğladan bir minâre-i beyzâ yaptırdı. Nukûdunu câmi-i mezbûrun levâzım ve mesâlihine vakf etdi. Ehl-i hayr idi.