Köprülüdür. Eşrâf-ı mahallîyeden 1264’de vefât eden el-Hâc Ahmed Ağa bin Mehmed Ağa bin el-Hâc Kâsım Ağa’nın oğludur. Köprülü Mehmed Paşa’nın kayınpederi Dede Yûsuf Ağa’nın ahfâdından olup biraz tahsîl-i irfân ü kitâbet etdi.[343]
Servetî ve Keşrâfzâdelerle hüsn-i imtizâcı sâyesinde teayyün edib mükerreren mahkeme-i bidâyet âzâsı ve müstantıkı ve ba’dehû meclis-i idâre âzâsı olup 1319’da vefât etdi.
Halûk, muhtezîc idi. Oğulları Mehmed Âkif, Abdulhâmid, Hâfız Abdullah Efendilerdir. Dâmâdı da birâderi Hacı Kâsım Efendizâde, Mustafa Efendi’dir.