Amasya civârında Gelgiras Nâhiyesinde mukîm olan evlâd-ı Selçûkiyyeden tercemesi yukarıda yazılan Hoca Hasan Şâh Çelebi bin Taceddîn İbrâhim Çelebi mahdûmudur. [484] Gençliğinde Sultân Murâd-ı Sânî dâiresine alındı. Saray-ı Hümâyûnda hüsn-i terbiye görüb müşârün-ileyhin silahdârı oldu.
Fatih Sultân Mehmed Hân’ın cülûsunda ümerâdan olup 857’de İstanbul fethinde fedakârane çalıştı. Ba’dehû Sultân Bâyezîd-ı Sânî Amasya vâlîsi oldukda ma’iyyet-i ümerâdan olup Trabzon’un fethinde Amasya’dan giden askerin kumândânı olarak hazır bulundu. Trabzon’un fethinde beylerbeyi oldu.
975’de Şehzâde Sultân Abdullah bin Sultân Bâyezîd-i Sânî Trabzon vâlîsi oldukda lalası ve müdebbir-i umûru olup 879’da vefât etdi. Müdebbir, şeci’ asîl bir zât idi. Mahdûmları Hasan Paşa ile Mehmed Bey’dir. Hasan Paşa, şehzâde-i müşârün-ileyhin lalası oldu. Mehmed Beyzâde Şücâ‘ Paşa da ümerâdandır.