Ebû el-Kemâl Nahcivânî mahdûmu olup şark ulemâsından ikmâl-i tahsîl ederek Amasya’ya gelip yerleşdi. Yıllarca tedrîs-i ulûm edib Amasya ulemâsına kendisini tanıttı. Mevlânâ Mecdeddîn Ömer bin Mevlânâ Ziyâeddîn İsa el-Hakkarî Amasya kâdı’l-kudâtı oldukda nâibi olup hüsn-i muâmelâtıyla halka yarandı. 718 sâlinden sonra vefât etdi. Bu târihte verdiği iki şer’iyye bâlâsında imzâsı görüldü. Kibâr-ı ulemâdan idi. [415]