Amasyalıdır. Ahî Darb-hâneci tekkesi şeyhi müfessir-i meşhûr Merzifonî el-Hâc İsmâ’îl Efendi’nin mahdûmudur. Canikli el-Hâc Mehmed Efendi’den ikmâl-i tahsîl edib bir müddet ders-i âm oldu. Ba’dehû ikâmet etdiği Dârü’s-selâm Mahallesi Câmiinde vâ’iz olarak terk-i tedrîs edib kûşe-i inzivâya çekildi. 1276’da vefât etdi. Ulemâ-yı sâlihînden müttakî, gâyet müteşerri’ ve sâhib-i hüsn-i hâl idi. Oğulları Mehmed, Mustafa, Abdülhalîm Efendilerdir.