Amasya’da Uncu Abdullah Çelebi mahdûmudur. Ulemâdan tahsîl-i ulûm ve hattâtlardan ahz-ı hutût ederek Çelebi Sultân Mehmed Hân’ın âsitânesine intisâb etdi.

Müşârün-ileyhin Amasya hükümdârı olduğu esnâda kâtib-i divânı olarak temâyüz ve iştihâr eyledi.

818’de Sultân Murâd-ı Sânî Amasya vâlîsi oldukda nişâncısı olup ve 824’de Sultân-ı müşârün-ileyhin cülûsunda Amasya vilâyeti muharrir ve defterdârı oldu.

837 hudûdunda vefât etdi. Âlim, kâtib, şâir, hattât idi. Şemseddîn Ahmed Pervanî vakfiyesinde şâhid görüldü.