Amasyalıdır. Üçler câmii bânîsi Sa’dî Çelebi kölesi Handân Ağa’nın evlâdından Mehmed Ağa bin Sa’dî Ağa bin Handân Ağa’nın mahdûmudur. Eski sarâya girip baltacı ve tefeyyüz ederek Baltacılar kethüdâsı oldu.
Bâ’dehû Amcazâde Hüseyin Paşa’nın sadâretinde dergâh-ı âlî kapıcıbaşılarından olup 1115 senesi cülûsunda Şehzâde Sultân Mehmed evkâfı mütevellîsi oldu. Yıllarca bu tevliyeti hüsn-i idâre edib 1128 senesi rebîülevvelinin sekizinde vefât etdi.
Ferâşet ve muhâsebe defterlerinden anlaşıldığı üzere pederi tarafından Handânzâde ve vâlidesi tarafından Hüsâmeddîn Temennâyî evlâdından olduğu münâsebetle Sa’dî Çelebi ve Hüsâmeddîn Temennâyî vakıflarına da mütevellî olmuştu. Kitâbet ü [296] hisâba âşinâ, erbâb-ı ma’ârifden bir efendi idi. Mahdûmu ricâl-i devletten Yûsuf Efendi’dir.