Amasyalıdır. Kibâr-ı züamâdan Ali Bey bin Abdullah Bey bin Alaybeyi Fethullah Ağa’nın mahdûmudur. Millîzâde [338] Hüseyin Bey’in kerîmezâdesi olduğu münâsebetle Millîzâde dendi. 1248’de pederinin vefâtıyla mahlûlünden on iki yaşında 17.450 akçe zeâmete mutasarrıf oldu.
Ba’dehû meclis-i idâre âzâsından olup 1270’de Osmâncık kazâsı müdürü, 1275’de ma’zûlen gelip Amasya ihtisâb ağası, 1285’de meclis-i idâre azâsı oldu. 1288’de Belediye reîsi olup, 1291’de ma’zûl ve 1293’de sânîyen Belediye reîsi olduğu hâlde 1294 senesi evâhirinde vefât etdi. Eşrâf-ı memleketden idi. Mahdûmu ümerâ-yı askeriyyeden Kâ’im-makâm Mehmed Şükrü Bey’dir.