Amasyalıdır. A’yân-ı kirâmdan el-Hâc İbrâhim Bey bin Yeğen el-Hâc Ali Bey bin Ahmed Bey’in mahdûmudur. Birâderi [455] Ömer Paşa’nın zaman-ı ikbâlinde kethüdâsı olup devr-i vilâyet etdi. Ba’dehû Amasya’da ikâmet edib meclis-i a’yân âzâsı olduğu halde 1209’da vefât etdi. Aşağı Pirler civârında medfûndur. Kibâr-ı a’yândan idi.
Ziyâre eşrâfından Sarı Osmanzâde diğer el-Hâc Halîl Ağa da Amasya a’yânından olup 1210’da vefat etdi. Ziyare’nin Bâlâ, nâm-ı diğer Dânîşmend Mahallesi’nde kâin câmi-i şerîfine sülün gibi güzel bir minare-i sengin yapdırıb nâmını da kapısı bâlâsına yazdırdı. Hânedân, sâhib-i hayr idi.