Amasya’da Yeniçeri Serdârı olan Kafadar Ahmed Ağazâde el-Hâc Mehmed Ağa’nın oğludur. 1243’de Nizâmîye askeri olup Rus harbine gitdi. Ba’dehû mülâzım, 1251’de yüzbaşı, 1257’de kol ağası, 1264’de binbaşı oldu.
1276’da tekâüd edilib Amasya’ya geldi. 1279’da İhtisâb Ağası olarak esnâf ve belediyenin intizâmına hizmet etdi. 1281’de Ziya Paşa tarafından belediye dâiresi teşkil edildikde ma’zûl olup 1284’de Meclis-i İdâre âzâsı olduğu halde 1287’de vefât etdi. İşgüzâr, ehl-i hayr idi.
Oğulları Abdullah Efendi, Mehmed Nazif Bey, Ahmed [466] Kadri Paşa’dır. Abdullah Efendi 1313’de Amasya’da vefât etdi. Bunun oğlu Mehmed Niyazi Efendi Defterhâne ketebesinde iken 1340 şâbânında İstanbul’da vefât etdi. Mehmed Nazif Bey, Ankara İstinâf müddei-i umûmîsi iken 1318’de vefât etdi. Ahmed Kadri Paşa, mîr-livâdır.