Amasyalıdır. Ulufeciyân-ı yemîn ağası olan Amasyalı el-Hâc Abdullah Ağa’nın mahdûmudur. Pederinin sâye-i ikbâlinde Bâb-ı âlîye girip kethüdâ kaleminde tefeyyüz ederek hâcegân-ı dîvân-ı hümâyûndan oldu.

Amasyalızâde Hacı İbrâhim Reşîd Efendi’nin himmetiyle bir müddet kethüdâ kâtibi, ba’dehû tezkire-i sânî olup devr-i menâsıb ederek 1222’de rûz-nâmçe-i evvel vekîli oldu. Sultân Mahmûd-ı Sânînin cülûsunda azl [557] edilip 1225’de vefât etdi.

Birâderi Mustafa Ağa olup ahfâdından ve meşâhîr-i ulemâdan Hacı Abdullah oğlu Mustafa Efendi 1291’de vefât etdi. Hacı Abdullah oğulları Amasya’nın Acem Alî Mahallesi’nde ikâmet etmekte idiler.

8. Cild burada bitti.

7 Ramazânü’l-mübârek 1350 yevmü’l-Cum’a