Amasya a’yânından mîrâhûr-ı evvel pâyeli el-Hâc İbrâhim Bey bin Mehmed Bey’in mahdûmudur. Taşâbâdî el-Hâc Ahmed ve Çorumlu es-Seyyid el-Hâc Ali Efendilerden ahz-ı ulûm edib İstanbul’a gitdi.
Orada meşhûr ferâizci Mehmed Vehbi Efendi’den ikmâl-i tahsîl ederek bi’l-imtihân İstanbul müderrisi ve bâ’dehû Amasya’ya [177] avdetle tedrîs-i ulûma başladı. Hüsn-i takrîr ve beyâna mâlik olduğundan halka-i tedrîsinde hayli cemiyyet hâsıl oldu.
Büyük birâderi Mustafa Paşa’nın vefâtına binâen 1167’de Torumtay vakfı mütevellîsi oldu. Ancak ömrü vefâ etmediğinden 1173’de otuz sekiz yaşında vefât etdi. Gâyet zekî, fâzıl, edîb, ulûm-ı Arabiyye ve akliyyede kâmil bir müderris-i be-nâm idi.