Amasya’da Pervâne Bey vakfı mütevellîsi ve Gümüşlüzâde Amâsî es-Seyyid Mehmed Emin Efendi bin es-Seyyid Mehmed Efendi’nin mahdûmudur. Hıfz-ı Kur’ân ve tahsîl-i irfân ederken 1187’de pederinin vefâtı üzerine Pervâne Bey vakfı mütevellîsi oldu.
Bâ’dehû 1216 şevvâlinde pederinin vefâtıyla Gümüşlüzâde Câmi-i şerîfi imâmı olup savt ü edâsıyla câmi-i mezkûr şenlendi. Kırk yıldan ziyâde imâmet edib 1273’de dâr-ı bekâya rihlet etdi.
Sulehâdan nâfızü’l-kelîm, Hâfız-ı Kur’ân, mücevvid kârî bir zât idi. Oğulları es-Seyyid el-Hâc Ebûbekir, Mustafa, Mehmed Emin Efendilerdir. Hacı Hâfız Ebûbekir Efendi’nin evlâd-ı ahfâdı ma’rûfdur. Hâfız Mehmed Emin Efendi mecânîn-i meşhûreden idi. Mustafa Efendi câmi-i mezkûr imâmı idi. [179]