Amasyalıdır. Esbak Kastamonu deftardârı iken 1043’de maktûlen vefât eden Kara sipâhi Mehmed Ağa’nın oğludur. 1055’de sipâhi olup Girit muhârebesine gitdi. Ba’dehû terakkî ederek Amasya kethüdâyeri ve 1069’da Abaza Paşa vak’asında Köprülü Mehmed Paşa’ya ibrâz-ı sadakât etdi.

Bundan dolayı ba’zı vüzerâya kapı kethüdâsı olarak devr-i vilâyât edib Kandiye’nin muhâsara ve fethinde can-siperâne hizmet eylediğinden dergâh-ı âlî kapıcıbaşılarından olarak Mora vilâyeti tahsîlâtına memûr olup 1087’de Amasya’ya gönderildi. 1093 hudûdunda vefât etdi.