Amasya eşrâfından es-Seyyid Mustafa Ağa bin es-Seyyid el-Hâc Ali Ağa bin es-Seyyid Hüseyin Ağa bin Emîr Hacı Abdullatîf Çelebi mahdûmudur. Ulemâdan tahsîl-i ulûm edib bir müddet ders okutdu. Bâ’dehû a’yân-ı sâdâtdan olduğu münâsebetle mükerreren nakîbü’l-eşrâf kâim-makâmı ve meclis-i a’yân azâsı oldu.
1214’de Hızır Paşa Câmi-i şerîfi vâizi olup 1219 senesi şâbânının yedisinde vefât etdi. Ulemâ-i sâdâtdan vâiz bir zât idi. Mahdûmu es-Seyyid Mehmed Efendi de a’yân-ı sadâtdan idi.