Tokat’ın Kâzâbâd nâhiyesinden Ali’nin mahdûmudur. Amasya’da Ürgüblü el-Hâc Ahmed Efendi’den ikmâl-i tahsîl edib ders-i âm-ı meşhûr oldu. Mücîz-i ders-i âmlardan olup hayli müddet vaaz ü tezkîr ile iştigâl ederek 1214 hudûdunda vefât etdi. Ulemâdan sâlih bir zât idi.
Diğer ulemâdan Canikli el-Hâc Hüseyin Efendi de Allâme-i müşârün-ileyh Ürgüblü Hacı Ahmed Efendi’den mücâz ve ders-i âm olup Hayriye müderrisi olduğu halde 1216 hudûdunda vefât etdi. Ulemâdan, sulehâdan idi. Diğer yeniçeri serdârı Cebecioğlu Hüseyin Ağa bin Mehmed Ağa [140] da bu esnâlarda fevt oldu. Oğlu Abdullah Ağa’dır.