Amasyalıdır. Sivas hükümdârı Kılıçarslan Bey bin Mes’ûd Bey bin Altunbaş Gâzi Çelebi’nin dâmâdı ve müsteşâr-ı hükûmeti olan Hacı Mukbil Bey bin Pehlivân Bey’in mahdûmudur. Çelebi Sultân Mehmed ve Sultân Murâd-ı Sânî devirlerinde meşâhîr-i ümerâdan olup 831 senesi hudûdunda vefât etdi.
828’de emlâkini evlâdına vakf etmişdi. Mahdûmu Emîr Şâh Bey de meşâhîr-i ümerâdandır. Evlâdından Ahmed Ağa bin Hasan Ağa’nın 1131’de bilâ-veled vefâtıyla hemşîresi oğlu Hasan Ağa bin Ahmed Ağa bunun vakfına mütevellî oldu.