İstanbulludur. Amasyalı Edâyî Bey’in mahdûmudur. Bevvâbân-ı şehriyârîden olup Sarây-ı Hümâyûn’da perverde olarak temâyüz etdi. Ba’dehû dergâh-ı âlî müteferrikası, Sultân Ahmed Hân-ı Evvel devrinde hidemât-ı maliyyede istihdâm edilerek Silistre muhassıl-ı emvâli oldu. [582]
Ba’de’l-azl İstanbul’a gelip 1027 senesi rebîülâhirinin gurresinde cülûs eden Sultân Osmân-ı Sânî’ye intisâb edib Kastamonu defterdârı ve muhassıl-ı emvâli oldu. Sene-i mezbûre zilhiccesinde ba’zı teşebbüsâtından dolayı azledilip Sultân Bâyezîd evkâfı tevliyetiyle Amasya’ya gönderildi. 1028 senesi muharreminde vefât etdi.