Amasya ulemâsından Lalazâde Kemaleddîn Mehmed Efendi bin Ahmed Bey’in mahdûmudur. Ceddi Amasya vâlisi Şehzâde Sultân Ahmed’in şehzâdesi Süleyman Bey’in lalası idi. Amasya fuzalâsından ve hâssaten Müfessir Ahmed Efendi’den iktisâb-ı fezâ’il edib ders-i âm oldu.
Amasya’da tedrîs-i u’lûm etdiği esnâda medâris-i mu’tâdeyi devrederek 998’de Hüseyniye müderrisi oldu. Buradan Kameriyye-i Tokat müderrisliğine terfî’ edilip sonra sancâklara kadı olup temâyüz etdi. 1011 sâlinden sonra vefât etdi. Kibâr-ı kudâttan idi.