Amasyalıdır. Kudâtdan Yahya Çelebi bin Tâceddîn İbrâhim Efendi bin Ya’kûb Çelebi bin Yahya Bey’in mahdûmudur. Peder ve ceddînin kendisine intikâl eden emvâl ve emlâkı sâyesinde tahsîl-i huzûr ederek a’yân-ı memleket sırasına girdi. Gürcistan Muhârebeleri esnâsında mâlen hizmetler ederek nüfûzunu arttırdı. Karayazıcı ihtilâline kadar yaşayıp 1011 vak’asında mün’adim oldu. Erbâb-ı servetden hânesi fukara ve misâfirlere küşâde bir hânedân idi.