Amasyalı Mehmed Efendi’nin oğludur. Müftü Seküköylüzâde Kâşif Mehmed Efendi’den ikmâl-i tahsîl edib ders-i âm oldu. Bir tarafdan ticâret diğer tarafdan tedrîs ile iştigâl ederek servet ve yesâra mâlik oldu. İkâmet etdiği Çevikçe Mahallesi’nde üç çeşme, bir mekteb yaptırdı. Mahallesi su ile iğnâ ve emlâk ve akârâtını bu hayrâtına vakfedip 1212’de vefât etdi. Mahdûmu Mehmed Efendi mütevellî oldu. [233] Meşâhîr-i a’yân ve ulemâdan fukarâ-perver, hânedân, hayrâtı sever, nâfizü’l-kelâm, hâtırşinâs bir zât idi. Halk arasında sâhib-i hayrât ve ulemâ ve a’yân arasında “Sâhib Efendi” demekle meşhûrdur.