Amasyalıdır. Ümerâdan Yûsuf Bey bin Şîrîn Bey [301] bin Aydoğdu Bey’in mahdûmudur. Türkler arasında “Aydoğduoğlu” demekle meşhûrdur. Gıyâseddîn Keyhüsrev-i Selçukî zamânında ümerâdan olup Baba İshâk Kefersûdî fitnesinde dîndârâne ve fedâkârâne hizmetler etdi.
Ba’dehû Tatar muhârebesinde ibrâz-ı şecâ’at edib emîr-i kebîr Mu’îneddîn Süleyman Pervâne Bey’in havâssından olduğu hâlde 650 sâlinden sonra vefât etdi. Meşâhîr-i ümerâdan idi. Oğulları Sunkur, Ferruh, Kaya Beylerdir. Bunlardan emîr-i kebîr Necmeddîn Ferruh Bey meşhûrdur.