Amasya’nın a’yân-ı ulemâsından Zeyneddîn Ya’kûb Çelebi bin Hâce Muhîbeddîn Mevdûd bin ez-Ziyârî mahdûmudur. Ulemâdan tahsîl-i ulûm edib tedrîse mücâz oldukdan sonra hayli müddet ders-i âm ve ba’dehû müderris-i medrese-i Torumtay oldu.
Amasya hükümdârı Hacı Kutlu Şâh’ın esdikâsından olmakla bir müddet Amasya kâdı’l-kudâtı nâibi olarak fazîlet ve kifâyeti görülmekle Amasya kâdı’l-kudâtı oldu. 765 hudûdunda vefât etdi. Fuzalâdan bir zât idi. Mahdûmu Şeyhülislam Saîdüddîn Mevhûb Çelebi ve birâderi kâdı’l-kudât Takıyyüddîn Osmân Çelebi’dir.