Lâdiklidir. Amasya’da tahsîl-i ilm ederken Şeyh Zekeriyyâ-yı Halvetî hizmetine girdi. Müşârün-ileyhe yıllarca hizmet edib hulefâsından oldu. 878’de şeyhinin vefâtında Lâdik’e gitdi. Orada bir müddet neşr-i tarîkât etdi.
Sonra Şeyhlü köyüne çekilip orada bir zâviye binâsıyla ikâmet ve köy halkının ahlâkını tehzîbe himmet ederek iştihâr edib 910 sâlinden sonra vefât eyledi. Tekkesinde medfûn ve türbesi ziyâret-gâhtır. Sultân Bâyezîd’in kendisine temlîk etdiği Şeyhlü köyünü zâviyesine vakf etdi. Sulehâdan ehl-i hâl bir zât-ı sütûde-simât idi. Mahdûmu Sâdık Baba yerini tutdu. Buna “Satuk Baba” dendi. [539]