Amasyalıdır. Hazreti Pîr İlyâs’ın evlâd-ı kirâmından ve kudâtdan Abdullah Çelebi bin Halîl Çelebi mahdûmudur. Ulûm u ma’ârif tahsîl ve Ramazânzâde Hüseyin Efendi’den hutût-ı mütenevvi’ayı ahz edib âlim u hattât oldu.
Bir müddet mahkeme kâtibi sonra kasabâta kadı olup sonra terk-i kazâ ederek neşr-i ulûm u hutûta çalışdı. 1027’de Amasya sancâğı kâtib-i dîvânı olup 1032’de vefât etdi. Şu’arâ ve erbâb-ı ma’âriften bir Çelebi idi.
Gözlerim bakdıkça sîm-endâmına
Parlayub Sîmî demişdir nâmına
beyti gâlibâ bunun hakkındadır. Yâhûd kendisinindir. Müderris Abdî Efendi’nin tezkiresi ricâlindendir.