Amasya’da Üçler Mahallesi’nde Câmii ve vakfı olan Sa’dî Çelebi utekâsından dâmâdı ve vakfı mütevellîsi Hândân Ağa evlâdından olup sipâhiler arasında şöhreti olan [225] Mustafa Ağa bin Hasan bin Mustafa bin Sa’dî bin Hândân Ağa’nın oğludur. Hıfz-ı Kur’ân edib tahsîl-i irfâna çalışdı. Pederinin vefâtında Sa’dî Çelebi vakfının mütevvelisi olup Ürgüplü Hacı Ahmed Efendi’den tedrîse icâzet aldı.
Bir müddet ders-i âm olup Câniklizâde Mikdâd Ahmed Paşa’ya intisâb ederek Halfet Gâzi müderrisi, meclis-i a’yân a’zâsı oldu. 1206’da Mikdâd Paşa i’dâm edildiği ve Gözdâşoğulları kem-nâm olduğu esnâda Hicâz’a gidip dedikodudan kurtuldu.
Avdetinde Hazinedâroğullarının nüfûzuna sığınarak eski mevkiini bulduysa da 1213 hudûdunda vefât etdi. Ulemâdan cerbezeli bir kimse idi. Oğullarından Hâfız el-Hâc Hasan Ağa ve Çukadâr-ı şehriyârî Hüseyin Ağa “Şirinzâde” likle meşhurdur. Hacı Hâfız Hasan Ağazâde Ahmed Bey ve ahfâdından Hacı Mustafa Efendi de Amasya eşrâfından idiler.