Amasya’nın cenûb-i garbiyyesinde vâkî Kızılca köyünden İsmâîl oğludur. Müfessir Ahmed ve Cum’a Efendilerden ikmâl-i tahsîl ederek tedrîse me’zûn ve mücâz ve ders-i âm oldu. Bu esnâda Hakâla’da Kâsım Bey müderrisi oldu. [17]
Ba’dehû Amasya içindeki medreseleri devrederek hamsîn pâyesine erdi. 990 hudûdunda İçerişehir’de Ahî Sa’âdeddîn tekkesi ve Kutlu Şâh Câmii kürsî şeyliği ile tekâ’üd edilip va’z ü irşâd ile imrâr-ı hayât ederek 1000 yılına doğru vefât etdi. Kibâr-ı ulemâdan olup “Abdullah bin İsmâîl el-Ahmerî” diye imzâ ederdi.