Gümüşlüdür. Meşâhîr-i ulemâdan Gümüş müftüsü Hacı Osmân Efendi’nin oğludur. Bir müddet Amasya’da Payaslı Hacı Mehmed Efendi’den tahsîl-i ulûm edib İstanbul’a gitdi. Orada ikmâl-i tahsîl ederek ders-i âm ve 1205’de müderris-i be-nâm oldu. [63]
Fâtîh Câmiinde yıllarca tedrîs-i ulûm ederek ikmâl-i devre-i medâris edib dârü’l-hadîs-i Süleymaniye müderrisliğinden 1228 muharreminde Eyüp mollası oldu. İkmâl-i müddet-i örfiyye edib 1234’de Şâm ve 1237 gurre-i muharreminde Medîne-i Münevvere mollası oldu.
Bir sene-i kâmile olan müddet-i örfiyyesi esnâsında ifâ-yı menâsik-i hâc ederek 1238 senesinde avdet ve İstanbul kadılığına sırası geldiği esnâda 1240 senesi evâsıtında dâr-ı bekâya rihlet etdi. Meşâhîr-i ulemâdan fâzıl, müteşerri’, gâyet fakîh bir zât idi.