Amasya nâibi Erzincanlıoğlu Mevlânâ Şemseddîn Mehmed Bahşâyiş bin eş-Şeyh Celâleddîn Abdurrahmân Erzincânî mahdûmudur. Ulemâ-yı asrından telemmüz ve ikmâl-i tahsîl ederek ders-i âm ve müderris-i be-nâm oldu. Bir müddet Amasya’da me’zûn-i iftâ ve müderris-i Atabegiyye olduğu görüldü. 841’de vefât etdi. Meşâhîr-i ulemâdan idi. Mahdûmu Mevlânâ Ziyâüddîn Yûsuf Çelebi de kibâr-ı fuzalâdan idi.