Amasya ulemâsından “Uzun vâ’iz” demekle meşhûr Mustafa Efendi’nin oğludur. Ulemâ-i asrından ikmâl-i tahsîl ederek ders-i âm ve mucîz olup silsile-i vâ’izîne girdi. Sarâchâne Câmii vâ’izi iken azl edilip Çeribaşı Câmii vâ’izi oldu.
Bir müddet sonra buradan azl edilip sinn ü ilmine hürmeten 1192’de Sultân Bâyezîd Câmii kürsî şeyhi ve vâ’izi olduğu hâlde 1193’de vefât etdi. Âlim, vâ’iz, müteşerri’ bir zât idi. Mahdûmu Mustafa Efendi kürsî şeyhi oldu.