Amasyalıdır. Yukarıda tercemesi geçen eş-Şeyh Habîb Karamanî Hazretlerinin mehâdîm-i kirâmından eş-Şeyh İzzedin Hasan Çelebi’dir. Amasya’da tahsîl-i ulûm ve pederinin hülefâsından eş-Şeyh Seydi Ali Çelebi’den tekmîl-i sülûk ederek müşârün-ileyhin irtihâlinde Mehmed Paşa Zâviyesi şeyhi oldu. [516]
İlm ü kemâliyle, zühd ü takvâsıyla ulemâ ve halkın muhabbet ve hüsn-i i’tikâdını celb edib teveccühât-ı ammeye mazhar olarak iştihâr etdi. Amasya vâlîsi Şehzâde Sultân Mustafa kendisine fevkalâde teveccüh edib 947’de dâr-ı kudse intikâl eyledi. Mehmed Paşa türbesi bağçesinde pederinin yanında medfûndur. Âlim tasavvufda kâmil, ulûm-ı şer’iyye ve sûfiyyede fâzıl, gâyet müteşerri’, şâir, zâhid bir zât-ı sütûde-simât idi. İlâhiyât’ı zamanında pek meşhûr olup tekkelerde okunurdu. Mahlâsı ibtidâ “Izzî” idi sonra “Dâî” diye iştihâr etdi. Mahdûmu eş-Şeyh İmâdeddîn Ömer Efendi kibâr-ı meşâyihdendir.